Vastelaovend 2023
Het zit dr op! Het waore weijer sjoon daag saame. 4 daag vastelaovend viere en träöte. Sjiek. Allemaol van harte bedank. De sjleuteleuverdrach, de äöpening van de toen al op de kop gezatte prinsesjtraot, in de kirk ging ’t geweun super, fijn dat Ger zo rustig en good de leiding euvernaom van ooze zieke dirigent. De Optoch in Zitterd en Einekoeze en op deensdig ooze Einekoezer rondjgangk, wo veer zellefs nao 3 oer sjmiddigs de prins oet bed höbbe geblaoze. En wat waore ooze bekkers greutsj mit os. En wat klonk ooze muziek dao op hun goedje geweldig sjoon door Einekoeze, ondanks al 4 daag blaoze. Jederein bedank veur ’t mit doon, veur de gezelligheid. Auch de ingehuurde trommelaere zeen veel heel dankbaar. Door hun koosjte veer mit heel väöl tamtam ooze meziek laote heure.
